یہاں پر دیا گیا سرکٹ ڈایا گرام ایک ارزاں اور عمدہ استحکامت کے حامل ایمپلی چیوڈ ماڈولیشن (اے ایم) ٹرانسمٹر کا ہے۔ اس میں ایف ای ٹی BFW10 استعمال کیا گیا ہے جو سرکٹ میں مرکزی کردار ادا کرتا ہے۔ یہاں پر یہ فیلڈ ایفیکٹ ٹرانزسٹر بطور فیڈ بیک آسی لیٹر کام کر رہا ہے۔ اس کے سورس سے آڈیو ان پٹ منسلک کی گئی ہے۔ آر ایف سگنل کی فریکوئنسی کا تعین آسی لیٹر ٹرانسفارمرT1 اور ویری ایبل کپیسیٹر ویری ایبل کپیسیٹرVC2 کی مدد سے کیا جا سکتا ہے۔ یہ فریکوئنسی میڈیم ویو سے شارٹ ویو حدود میں ہو سکتی ہے۔

آڈیو ان پٹ کے طور پر کوئی بھی مناسب آلہ مثلا" ٹی وی، آڈیو کیسٹ پلیئر، آڈیو ایمپلی فائر، مائیکروفون ایمپلی فائر وغیر ہ استعمال کیا جا سکتا ہے۔ یہاں پر ہر ایسا آڈیو سورس منسلک کیا جا سکتا ہے جس کی آؤٹ پٹ امیپیڈینس 4 سے 16 اوہم ہو۔

12 وولٹ ٹیوب لائٹ انورٹر کا سرکٹ ڈایا گرام

منسلک کردہ آڈیو سگنل کے ایمپلی چیوڈ کو کنٹرول کرنے کے لئے ویری ایبل رزسٹر VR1استعمال کیا جا سکتا ہے۔ یہ1K0 اوہم کا پری سیٹ پوٹینشو میٹر ہے۔ ٹرانسمٹر کی آؤٹ پٹ کوٹرمر کپیسیٹر VC1کے ذریعے این ٹینا سے منسلک کیا گیا ہے۔ یہاں پر ٹیلی اسکوپک این ٹینا یا کوئی بھی مناسب ان ڈور این ٹینا استعمال کیا جا سکتا ہے۔

سرکٹ کو احتیاط سے نصب کریں اور پاور سپلائی منسلک کرنے سے پہلے اچھی طرح جائزہ لے لیں کہ تمام اجزا درست طور پر لگے ہیں اور سارے کنکشن درست ہیں۔ سب کچھ درست ہونےکی صورت میں سرکٹ سے پاور سپلائی اور آڈیو سگنل منسلک کریں اور ایک ریڈیو رسیور کو ساتھ رکھ کر آن کر دیں۔ اگر آپ نے T1کی جگہ میڈیم ویو آسی لیٹر ٹرانسفارمر استعمال کیا ہے تو میڈیم ویو پر اور اگر شارٹ ویو آسی لیٹر ٹرانسفارمر استعمال کیا ہے تو شارٹ ویو پر ریڈیو کو آہستہ آہستہ ٹیون کریں اور جہا ںپر آپ کو سگنل موصول ہو وہاں پر رک جائیں۔ اب پہلے پوٹینشو میٹرVR1 کو اور بعد میں ٹرمر کپیسیٹر VC1کو آہستہ آہستہ متعین کر کے آواز کو صاف اور واضح کر لیں۔VR1 ایمپلی چیوڈ ماڈولیشن کی شرح (فی صد) متعین کرے گی ۔

فہرست اجزاء

(اے ایم ٹرانسمٹر)

رزسٹرز
	R1	=	100K	رزسٹر ¼ واٹ
	R2	=	1K0	رزسٹر ¼ واٹ
	VR1	=	320R	پری سیٹ پوٹینشو میٹر
کپیسیٹرز
	C1	=	0µ01	سرامک ڈسک
	C2	=	100p	سرامک ڈسک
	VC1	=	70p	ٹرمر کپیسیٹر
	VC2	=	365p	پلاسٹک ویری ایبل کپیسیٹر
	VC3	=	22p	ٹرمر کپیسیٹر
سیمی کنڈکٹرز
	TR1	=	BFW10	ایف ای ٹی
متفرق
	T1	=	12V	میڈیم یا شارٹ ویو آسی لیٹر کوائل